أسيرة إنتقامه بقلم خلود محمد

- ملك بتفهم : اها تمام. انا هخلص بدري ان شاء الله واجي علطول ونروح ونجيب كل اللي عايزه
خالتها فاطمه بحب :ربنا ميحرمنيش منك ي حببتي
ملك وهي تحتضن كفها :ولا منك ي خالتي
قطع حديثهم رنين هاتف ملك، ملك وهي تلتقطه بيديها من جانبها
خالتها فاطمه :دي ساره مش كده!
ملك و تومئ براسها بالايجاب لخالتها  فقالت خالتها لها سلميلي عليها
، ملك وهي تضع الهاتف ع اذنها ولكنها ابعدته من ع اذنها ع الفور وذلك بعد ان سمعت صياح صديقتها المجنونه ساره   وهي تقول : انتي ي هانم ياللي متأخره هتنزلي امتي بقالي ساعه ملطوعه قدام البيت وانتي موصلتش لحد دلوقتي قوليلي اعمل فيكي ايه دلوقت ها ردي عليا، انت ي بت مش بتردي ليه؟! 

ملك وهي تضحك ع صديقتها وتقول لها بضيق زائف : ي بنتي  اديني فرصه ارد عليكي الأول حرام عليكي ودني انا وخالتي اطرشت بسببك اديني فرصه اقولك ان خالتي بتسلم عليكي حتي  ، وبعدين انا لبست خلاص بس بفطر مع خالتي، 
ساره  بضيق وعبوس : لا الا خالتي فاطمه دي حببتي بوسيهالي كتير وقوللها انها وحشاني اووي وانتي ي ملك هانم  انا غلطانه اني واقفه  ياريتني كنت رحت الكليه لوحدي وخليتك ملطوعه ف الشارع مستنياني 
ملك وهي تضحك ع صديقتها ثم ترد عليها برقه ولطف :واهون عليكي ي سرسوره 
ساره  وهي تغمز باحدي عينها و ترد عليها بلطف وحب :ايوه ايوه سبتيني ي لوكه، بس متهونيش عليا ي لوكه 
ملك بابتسامه رقيقه : ايوة دي سوسو بتاعتي، وع العموم ي ساره انا خلصت اهوو وهاخد شنطتي وانزلك 
ساره بتفهم :تمام ماشي وانا مستنياكي وبوسيلي خالتي فاطمه كتيرر 
ملك :حاضر هقولها. ويلا اقفلي بقا عشان منتاخرش 
ساره :تمام 
بعد أن اغلقت ملك الهاتف وهي تنظر لخالتها : بتسلم عليكي المجنونه 
خالتها فاطمه وهي تضحك : الله يسلمها ع اد ما ساره دي  مجنونه بس طيبه وغلبانه وډمها سكره 
ملك وهي توافقها الرأي :عندك حق ي خالتي والله، يلا هقوم انا دلوقتي ومش هتاخر عليكي، عشان نروح مع بعض،
خالتها فاطمه وهي تربط ع يدها بلطف :   ماشي ي حببتي ،  قومي يلا عشان متتاخريش ع ساره وانا هقوم اتوضا عشان الضهر. 
- قامت ملك من ع الطاوله وذهبت باتجاه غرفتها وبعد برهه خرجت منها وهي ممسكه بشنطتها وادواتها وذهبت باتجاه الباب وهي تقول لخالتها :انا همشي ي خالتي محتاجه حاجه 
خالتها فاطمه بحب  :لا ي ملوكه عايزه سلمتك 
 

الفصل الثالث

الفصل الثالث  

خرجت ملك وساره من المحاضره  وذلك بعد ما انتهوا من المحاضرات، فاتجهو الي كافتريا الجامعه لكي يستريحوا 
ملك وهي تسترخي ع ظهرها ع الكرسي :ياا اخيرا خلصنا انهارده الواحد خلاص مش قادر, الدكاتره مش بترحم  
ساره :عندك حق والله الواحد جسمه اتكبس من كتر القعده، انا مش عارفه ايه اللي جابني بس 
ملك : اهوو الحمدلله اليوم عدي وخلص 
ساره :هتعملي ايه بعد ما تروحي؟ 
ملك : هروح مع خالتي عشان نجيب حاجات البيت طلبت مني الصبح وقولتلها ماشي، وانتي هتعملي ايه؟ "
ساره :هروح انام هعمل ايه يعني،
ملك بضحك :انتي ي بنتي مش بتزهقني من النوم، حرام عليكي كل ما أسألك ع اي حاجه تقوليلي هنام ف ايه 
ساره بهدوء مستفز :حد يزهق من النوم بس انتي اللي نشيطه ي ماما، وبقولك ايه يلا قومي عشان الحق اروح وانتي تلحقي تروحي عشان تروحي مع خالتي 
ملك :ايه داا يعني مش هنشرب حاجه
ساره وهي تقوم من ع الكرسي :لا مش هنشرب حاجه ويلا بقي متبقيش كسوله 
ملك بتعجب :انا اللي كسوله برضو ع العموم يلا بينا 
ساره :يلاااا 
واتجهت الفتاتان الي بيتهم لتبدا كل من هما ما يريد فعله 
بعد ما سمع تلك الاخبار الساره بالنسبه له التي أخبرها اياه محاميه والابتسامه لا تفارق وجهه، اعتدل من ع الفراش وذهب باتجاه المرحاض لكي يبدأ يومه بكثير من الحيويه والنشاط غير سابق عهده،
بعد وقت ليس بالقليل
استعد مراد بحليته السوداء  مع قميص من نفس اللون مما زادته وسامه فوق وسامته، اخذ يمشط شعره امام  المرأه ثم وضع من عطره الخاص بيه وارتد ساعته الفخمه القيمه التي لا تليق سواه  بواحد بمثله،.