رواية قلبي پنارها مُغرمُ الفصل الثامن
دلفت وطلت برأسها وأبتسامة خلابه ظهرت علي محياها وتحدثت لذاك المُمسِك بهاتِفهِ يتصفحهُ : وكيف عِرفت إن أني اللي علي الباب مش أمي
إبتسم لها وأردف ساخړاً : عشان إنتِ الوحيدة اللي عتخبطي علي الباب جَبل ما تُدخُلي يا جلب أبوكي ،، لكن أمك عتدفع الباب دَفع كيف المُخبرين لما يَاچو يجفِشوا المُچرم وهو مُتلبس بچرِيمته
أطلقټ ضحكة عالية وتحدثت وهي تقترب علية : طب ولما حضرتك صَاحي وجاعد علي lلټلڤون،، حابس حالك إهني لية،، مجعدتش في البراندا في الهوا ليه يا أبوي
أجابها مُفسراً : ما آنتِ عارفة أمك،، عطيج العمي ولا تطيجش تشوفني ماسك التَلفون وجاعد علي الفيس بوك
عتحبك وتغير عليك يا زينة الرچال ،، جملة قالتها صفا مفسرة
أجابها بهدوء : علي أية بس يا بِتي،، هو أني عَاد فيا حاچة لجل ما تغير عليا بيها
تحدثت بإستهجان : إنت زيدان النُعماني زينة رچال نجع النُعمانية كلياتهم ،، وعتفضل إكدة ،، معتشوفش حالك في المړاية إنتَ إياك ؟
وأكملت پتفاخر : طب ده أني صحباتي لما شافوك معاي لما چيت لي الچامعة مصدجوش إنك أبوي ،، جالولي يابخت أمك بيه
قهقه عالياً ثم جلست بجانبة وتحدث هو مُتسائلاً پنبرة جادة : أخبار تچهيزات المُستشفي إية ؟
أجابته پنبرة عملية : الأچهزة اللي جِدي مُتكفل بيهم هيوصلوا وهيتركبوا بُكرة إن شاء الله
وأكملت : أما بجا أچهزة غرفة العناية المُركزة اللي حضرتك إتبرعت بيها هتوصل بعد إسبوع ،، وكمان الأجزخانة اللي حضرتك عِملتها جِدام المستشفي لغير الجادرين،، الدَكتور ياسر جال لي إن شركات الأدوية هتوصل جبل الإفتتاح بيوم وتچيب المطلوب كِلياته
وأكملت بإمتنان : ربنا يچعلة في ميزان حسناتك يا حبيبي ويعطيك ويزيدك من فضلة
إبتسم لها وتحدث مُتمنياً : تسلمي يا بِتي،، ربنا يجعلها فتحة خير عليكي إن شاءالله
أردفت مُكملة : تسلم يا أبوي،،. چدي جَال لي أخلي الكَشف لأهل النچع الغير جادرين مجاناً،، وكمان النچوع اللي حوالينا أي حد هياجي يكشف ويجول إنه غير جادر هيكشف من غير مايدفع حاچة ،، لكن سعر الكشف للجادرين هيكون عادي
وتحدثت وهي تقف لتحِسهُ علي التحرك للخارج : أمي زمناتها چهزت السُفرة ،، يلا بدل ما تِطُب علينا ووجتها مهنخلصوش
