اسير قلبها
عمرى بتمنى يكون ليا منك نونة حلوة كده زيك وبعدين انتى مراتى حلالى ع سنة الله ورسوله ومين غيرك اصلا ينفع تكون ام لولادى!
سيليا تؤ مش موافقة انا عاوزة ولد يكون زيك فى كل حاجة عشان البنت هتاخدك منى
فارس محدش يقدر ياخدنى منك خلاص كده اتصالحنا!
سيليا پغضب طفولى تؤ
قام فارس من جنبها وجاب علبة شوكليت كبيرة وقال طب وكده
سيليا ي روحى حالا هجهزلك العشا
فارس امسكها واحتضنها بحب تؤ انا مش جعان اكل انا عاوز اشبع منك انتى .... ثم اخذها لعالمهم الخاص
فى صباح اليوم التالى عند مهرة اللى كانت ماسكة كتاب بتقرأ فيه لقيت اللى داخلة عليها وبتقول مبروك يا عروسة
مهرة وهى بتنفخ الله يبارك فيكى يا سمر وعجبالك
سمر وائل جالى انه هياخدنى معاه ع مصر وهيخلينى اكمل دراستى ومش بس اكده هنعيش هناك ع طول
مهرة ببرود وماله يعيش ويعملك
سمر يعنى مش مضايجة!
مهرة واضايج ليه هو انا اكرهلك الخير انتى بت عمى وفى مجام اختى وانا مش زيك
سمر كيف يعنى مش زيى!
مهرة يعنى حجودة وبكره الخير لغيرى ومبضيعش فرصة انى اضايج الناس واعصبهم واشمت فيهم بس اطمنى يا سمر محاولاتك كلها فشلت عن اذنك
فجأة لقت زينة بتقول جهزى نفسك حماتك اهنه جاية تشوفك هى وعماتك التلاتة
مهرة هلبس وانزل اهو
لبست مهرة وحطت كحل وماسكرا وملمع شفايف ونزلت ع تحت دخلت بكسوف وقالت السلام عليكم
فرحة اخت فارس الكبيرة ده انا امى دعيت لفارس جوى واتوصت بيه عشان تكونى من نصيبه
مهرة شكرا
فريال جوليلى يا بتى ناجصك حاجة متتكسفيش منى
مهرة كتر خير يا حجة انا مش محتاجة اى حاجة
فريال احنا جينا نتعرف عليكى انا وبناتى انا اسمى الحجة فريال ودى فرحة ودى نجلاء والصغيرة دى بجا نورا
فريال لاع حجة ايه بس جوليلى يا ماما
مهرة حاضر كيف ما تحبى
سميحة نورتوا والله يا حجة
فريال البيت منور بأهله يا غالية وبعدين ليه تعبتى نفسك وعملتى كل ده هو احنا اغراب
سميحة لا سمح الله ما غريب الا الشيطان وبعدين دول فضلة خيرك عيش وملح بينا
فريال ربنا يخليكى بواجبك انا بس حبيت اتعرف ع مرات ابنى واعرفها علينا عشان متتكسفش منينا
انتهت الزيارة وكانت مهرة حاسة براحة غريبة اتجاه فريال والبنات الثلاثة وكأنها تعرفهم من سنين
بعد مرور اسبوع كان فارس نايم لبعد العصر قام ع صوت سيليا وهى بتقول فارس يا حبيبى اصحى بقا كفاية نوم يا عم الكسلان
فارس صباح الفل يا وردتى
سيليا قصدك مساء الفل احنا بعد العصر يا صغنن
فارس طب سبينى أنام شويه كمان
سيليا تؤ يلا قوم ناكل عشان انا جعانة خالص
فارس حاضر طب ممكن اخد شاور
سيليا طبعا ممكن اصلا الحمام جاهز
قام فارس اخد الشاور وطلع قعد ع
