وتين الجزء الاول بقلم ياسمين الهجرسي
ما يثبت العكس ...
بعد كده ليكى حرية القرار وانا فى ضهرك فى اى قرار تاخديه...
هزت صفا راسها وهي تهتف بسخريه .. يا خۏفي يا كريمه اصور لك قتيل واقتل الواد ده لو عرفت أنه بيخوني...
هزت كريمه راسها متعجبه من كلام ابنتها الشعنونه.. فهى اول مره يدق قلبها للحب .. هو بالنسبه لها شعور بكر فهى تختبره لأول مره ...
ولكن بفطرة الام وقلقها على ابنتها ...فهذا الكلام بات يقلقها...
هى لا تريد لابنتها ان تمر بما مرت به فى حياتها من ألم الحب ..
تنهدت فى صمت وقلة حيله ... تاركه للايام كلمتها ولرب العباد تدابيره للأمر داعيه الله ان يفعل لابنتها ما فيه الخير والصالح ..
ضحكت صبا وهي تقترب منهم وتجلس بجوارهم هتفت مازحه ترقص لها حاجبها
الحب ۏلع فى الدره يابت ياسعديه بصوت محمد هنيدي
كان بدرى عليكى يااختى لما تقعى وتيجى على بوزك... فين استرونج اندبندت وومن اللى وجعه بيها دمغنا ليل نهار .. فين نصايح رضوى الشربينى اللى اكلتى بيها دمغنا ياختى...
لا وغير كده وانتي الصادقه ده ۏلع في قلبي .. حنيته عليا ولهفته وخوفه اللى مبيترددش ثانيه أنه يظهرهم قدام اى حد... قدر يحتويني فى وقت قليل جدا .. بحس وانا معاه انى طيره فى السما.
و رضوى موجوده هتطلعله وقت اللزوم اختك تعجبك بردوا وقت الجد يجى على كرامتى ولا يجرح قلبى وسعى من قدامها و اتقى شرها ...
لمست ايده عملت كونتاكت
الكهربا مسكت في الشرايين
زودت الأدرينالين .. قلبي وعيني مش قادرين ... هههههه
هتفت كريمه وهي تربت علي كتفها بسخريه و تهكم محببه الي قلب ابنتها
طب حاسبي من الڼار اصل تولع فيكي و حاسبى من الفراشات والقلوب اللى بتطلع من عيونك .. اظن كلامي مفهوم ..
واللي زيه يبقي متهور في كل حاجه وخصوصا الحب ..
من كلامك البنات حواليه كتير يعنى هو واخد على العلاقات الكتيره فى حياته ...
اللى والله اعلم ممكن ميكنش فيها حدود ولا التزام ...
اظن انا كلامي مفهوم والمعنى واضح جدا ...
هزت صفا رأسها بتفهم لكلام والدتها التى اكدت لها نفس مخاوفها من علاقات يونس
حاضر يا ست الكل متخفيش
