وتين الجزء الاول بقلم ياسمين الهجرسي
...
ليه القلب بيقيدنا بالشكل دا .
ليه لازم تحسب تصرفاتك وخطواتك
ليه الحب مليان كلاكيع
ابتسم له يعقوب بسعاده وتكلم ب لسان العشق الكامن داخله ..
عشان تحكمات القلب دى بدايه الحلال .. يعني متقدرش تبعد عن اللي بتحبه... وبتبقي عايز تمتلكه بكل تفاصيله .. حبه .. غضبه .. سعادته .. حزنه .. هدؤه ..جنونه تعيش معاه من أكبر تفصيله لأصغر تفصيله وبتستغني بيه عن الدنيا كلها .
ملعۏن ابو الحب اللي يخليك تحسب كل خطوه قبل ما تخطيها.
ملعۏن ابو الحب اللى يقيد حريتى
و يشل حركة حياتى .. انا كان فين عقلى..
النهاردة رفضت إني أخلف وعدى معاها .. وجريت زي الطفل اللي خاېف يغلط.. انا شكلي مش قد الحب.. انا واحد مش هيعرف يلتزم بقواعد الحب ... هى محتاجه حد انضف منى ...
قال ما يجول بصدره ويرهق اعصابه و ترك يعقوب فى صډمته من كلامه يستوعب حديث اخيه..
وقف ينظر فى المرآه الى صورته المعكوسه امامه و يلتقط أنفاسه بصعوبه يحاول ان يهدئ من نفسه ومن ضربات قلبه التى تصم أذنيه..
لانه يصارع شيطانه الأسود الذى يكمن بداخله... اذا تمرد عليه قلب حياته راسا على عقب وخسر حبه الذى لن يجد طريق للفوز بقلبها مره اخرى
غادر الغرفه وهو يدعوا الي أخيه براحه البال و صلاح الحال
انقضي الليل علي الجميع يحمل فى طياته ألم وخوف ۏجع و قلق مشاعر جديده عليهم اذابت قلوبهم ..
وقفت كريمه وابنتيها و ورد وزياد في إستقبال الحاج محمد والحجه فردوس وفهيمه..
تجمدت كريمه عندما وجدت جلال يهبط من السيارة بطلته التي تحبس أنفاسها وتجعلها عاشقه مراهقه له..
هتفت بصوت هادئ لبناتها سلموا علي ابوكم باحترام...
اومات لها الفتيات واقتربوا منه يرحبون به..
نظرت له الفتيات بتوجس من ردة فعله لما حدث بينهم فى اخر لقاء .
